SHËRBIMET

Mirë se vini në faqen e shërbimeve tek ndërmarrja shërbyese Kolgeci Kopshtar Gartenbau, ku ne kemi bërë një prezantim të shërbimeve që ofron ndërmarrja duke u bazuar në përvojën dhe eksperiencën shumëvjeçare.

_________________________________________________________________________

Projektimi

Ndërmarrja Kolgeci Kopshtar Gartenbau është ndërmarrje e specializuar për projektimin dhe ekzekutimin e punëve që kanë të bëjnë me rrugë dhe kopshte si private ashtu edhe publike. Ndërmarrja Kolgeci Kopshtar Gartenbau ofron projektimin e rrugëve të ndryshme dhe ofron zgjidhje ideale për nevojat e qytetarëve.

Në këtë kuadër punon një staf i kualifikuar i cili është i gatshëm që gjithmonë të ofroj zgjedhje të ndryshme projektuese për rrugë të ndryshme të lagjeve apo qyteteve, hapësirave për parking, si dhe iu përgjigjet kërkesave për kopshte dhe ambiente private.

Punimet e ambienteve me kubëza.

Ndërmarrja Kolgeci Kopshtar Gartenbau si aktivitet kryesor ka edhe shtruarjen ambienteve të ndryshme private dhe publike me kubëza nga betoni, këtu përfshihet përgatitja e bazës së tokës, shtresat paraprake, dhe në fund mbulimi i atyre hapësirave me kubëza të betonit.

Ndërmarrja bën shtruarje me kubëza të betonit të hapësirave të ndryshme varësisht prej kërkesave, e ndër to përfshihen kopshtet private, hapësirat tjera private, hapësirat e parkingut para objekteve të ndryshme afariste, trotuareve, terasave të jashtme, pastaj komplekse të ndryshme turistike apo përkujtimore, etj

Klientët mund të zgjedhin për modelin e kubëzave dhe trashësinë e tyre, pasi që ndërmarrja Kolgeci Kopshtar Gartenbau ofron shtruarjen e hapësirave me shumë modele të kubëzave me kombinime të ndryshme dhe ngjyra të shumëllojshme, po ashtu edhe punime të ndryshme mozaik në kubëza, apo edhe kombinime të tjera të cilat kontribuojnë në dekorimin e hapësirës së caktuar.

Punimet e rrugëve.

Përveç përgatitjes dhe shtruarjes me kubëza të hapësirave të ndryshme, ndërmarrja Kolgeci Kopshtar Gartenbau bën edhe projektimin dhe shtruarjen e rrugëve të ndryshme me kubëza betoni. Edhe këtu përfshihet projektimi i rrugëve, vlerësimi i ngarkesave të cilat ajo rrugë duhet ti duroj, dhe pastaj pason edhe ekzekutimi i punëve.

Në punimet e rrugëve, Ndërmarrja Kolgeci Kopshtar Gartenbau ofron edhe sistemet tjera përcjellëse siç janë punimi i kanalizimit dhe kanaleve për zbrazjen e ujërave, pastaj modele të ndryshme trotuaresh, anësore betoni për rrugë, dhe shumë elemente tjera përcjellëse, duke ofruar kështu një cilësi maksimale për qytetarët.

Punimet e Kopshteve

Ndërmarrja Kolgeci Kopshtar Gartenbau bën projektimin dhe rregullimin e kopshteve ku përfshihet projektimi paraprak i hapësirës, pastaj intervenimi në terren për përshtatjen e ambientit me projektin e përpiluar paraprakisht, ndryshimet e nevojshme dhe intervenimet e ndryshme, si formimin e hapësirave të ndryshme pushuese, hapësirave për fëmijë, si dhe këndeve të tjera të planifikuara.

Po ashtu ndërmarrja Kolgeci Kopshtar Gartenbau bën edhe projektimin dhe rregullimin e kopshteve edhe për ambiente jo private, siç janë kopshtet e ndryshme shkollore, ambientet banesore dhe industriale, fusha të ndryshme futbolli, si dhe në përgjithësi kopshtet tjera, edhe në vendet ku ato kanë munguar, apo modifikimin e kopshteve të vjetra dhe transformimin e tyre në të reja.

Gjelbërimin e Ambientëve

Ndërmarrja Kolgeci Kopshtar Gartenbau përveç punimeve teknike dhe intervenimeve në kopshte të ndryshme dhe realizimin e projekteve kopshtare, bën edhe gjelbërimin dhe dekorimin e këtyre ambienteve me bimë të ndryshme dekorative. Këtu përfshihet mbjellja e barit gjelbërues cilësorë për hapësira të hapura, fusha sportive, apo ambiente tjera ku ky lloj gjelbërimi është i nevojshëm

Në kuadër të gjelbërimit të ambienteve përfshihet dekorimi i këtyre hapësirave edhe me bimë të ndryshme dekorative që përfshihen bimët që ruajnë ngjyrën e gjelbër si bredha të llojeve të ndryshme, si dhe lulëzimin e terrenit me lule të llojeve të ndryshme. Të gjitha këto punime të gjelbërimit mund të realizohen në të gjitha hapësirat e mundshme, si ato private ashtu edhe ato vende publike.

Punimet e tokës

Ndërmarrja Kolgeci Kopshtar Gartenbau ofron edhe shërbime tjera bazë, siç janë punimet e tokës ku përfshihet nivelizimi i sipërfaqeve të ndryshme, pastaj mbushja, apo zbrazja e hapësirave me dheun pjellor, gërmime të ndryshme të sipërfaqeve, shtypjen e terrenit, dhe ndryshime tjera të nevojshme në hapësira të ndryshme,.

Tjera

Ndërmarrja Kolgeci Kopshtar Gartenbau ofron edhe punimin e fontanave profesionale në teknika të ndryshme për dekorimin e ambientëve, pastaj përpunime të ndryshme në kopshtet ekzistuese për të ndryshuar apo për të ngritur bukurinë e kopshteve ekzistuese, si dhe shumë shërbime tjera profesionale që kanë të bëjnë me çështjet e lartcekura!